Fleksava — enoksaparin natriy asosidagi past molekulyar geparin guruhiga mansub antikoagulyant preparat. U qon ivish tizimiga ta’sir qilib, asosan Xa ivish omili faolligini susaytiradi va tromblar hosil bo‘lishining oldini olishga yordam beradi.

Qo‘llanilishi

• Jarrohlik amaliyotlarida, ayniqsa ortopedik va umumiy jarrohlik operatsiyalarida venoz tromboz va emboliyaning oldini olish;
• O‘tkir terapevtik kasalliklar sababli yotoq rejimida bo‘lgan bemorlarda venoz tromboz va emboliyaning profilaktikasi;
• O‘pka arteriyasi tromboemboliyasi bilan yoki usiz kechadigan chuqur vena trombozini davolash;
• Gemodializ vaqtida ekstrakorporal qon aylanish tizimida tromb hosil bo‘lishining oldini olish;
• Nostabil stenokardiya va Q tishchasiz miokard infarktini davolash;
• ST segmenti ko‘tarilishi bilan kechadigan o‘tkir miokard infarktini davolash.

Dori shakli va tarkibi

Inʼeksiya uchun tiniq, rangsizdan och sariq ranggacha bo‘lgan eritma, shisha oldindan to‘ldirilgan shpritslarda.

• 4000 anti-Xa XB/0,4 ml — 40 mg enoksaparin natriy;
• 6000 anti-Xa XB/0,6 ml — 60 mg enoksaparin natriy.

Yordamchi modda: inʼeksiya uchun suv.

Qo‘llash usuli

Asosan teri ostiga yuboriladi. Ayrim holatlarda, xususan ST segmenti ko‘tarilishi bilan kechadigan o‘tkir miokard infarktida, vena ichiga bolus tarzida yuborish ham ko‘zda tutilgan. Gemodializ vaqtida preparat shuntning arterial qismiga yuboriladi.

Preparatni mushak ichiga yuborish taqiqlanadi. Doza va davolash davomiyligi kasallik turi, bemorning tana vazni va klinik holatiga qarab shifokor tomonidan belgilanadi.

Asosiy afzalliklari

• Qon ivish tizimiga antikoagulyant ta’sir ko‘rsatadi;
• Venoz tromboz va emboliya xavfini kamaytirishga yordam beradi;
• Jarrohlik amaliyotlari va uzoq muddatli yotoq rejimida tromboz profilaktikasida qo‘llaniladi;
• Chuqur vena trombozi va ayrim o‘tkir yurak-qon tomir holatlarini davolashda qo‘llaniladi.

Nojo‘ya ta’sirlari

Qon ketishi, trombotsitlar sonining kamayishi yoki ortishi, tromboz bilan kechuvchi autoimmun trombotsitopeniya, gemorragik anemiya, allergik va anafilaktik reaksiyalar, jigar fermentlari faolligining oshishi hamda giperkalemiya kuzatilishi mumkin.

Qo‘llash mumkin bo‘lmagan holatlar

• Enoksaparin natriy, geparin yoki boshqa past molekulyar geparinlarga yuqori sezuvchanlik;
• Faol katta qon ketishi yoki qon ketish xavfi yuqori bo‘lgan holatlar;
• Gemorragik insult;
• Og‘ir enoksaparin yoki geparin bilan bog‘liq trombotsitopeniya;
• 18 yoshgacha bo‘lgan bolalar va o‘smirlar.

Sunʼiy yurak klapanlari bo‘lgan homilador ayollarda qo‘llash tavsiya etilmaydi.

Saqlash sharoiti

Original qadoqda, yorug‘likdan himoyalangan joyda, 25°C dan yuqori bo‘lmagan haroratda saqlansin. Bolalar ololmaydigan joyda saqlansin.

Yaroqlilik muddati: 2 yil.

Ishlab chiqaruvchi:

ZUMA PHARMA MCHJ

O‘zbekiston Respublikasi, Toshkent viloyati, Parkent tumani, “Parkent-Farm” EIZ, O‘chko‘prik ko‘chasi, 185-uy.

Veb-sayt: www.zumapharma.uz

Tel.: +998 55 900 5005; +998 55 900 6006.

Dorixonalardan berilish tartibi: Retsept bo‘yicha.